Қоқыстан табылған нәресте: Орал полициясы тергеуді тоқтатты

0
95

Анасының орналасқан жері әлі белгісіз.


Қоқыстан табылған нәресте: Орал полициясы тергеуді тоқтатты

фото: Sputnik / Меруерт Алимова

ERNUR.KZ. Орал қаласында қоқыс жәшігінен табылған нәрестеге қатысты полиция тергеуді тоқтатты, деп жазады sputnik.kz.
Шетінеген баланың анасына 2,5 ай бойы іздеу жарияланған. Алайда ол табылмады. Полицияның мәліметінше, бала өлі туған.
"Анасының орналасқан жері әлі белгісіз. Осы қылмыстық іс бойынша Қылмыстық кодекстің 35-бабына сәйкес сотқа дейінгі тергеп-тексеруді тоқтату туралы шешім қабылданды. Қабылданған шешім қадағалау органымен келісілді", - дейді Батыс Қазақстан облыстық полиция департаменті.
Еске сала кетейік, биыл 14 тамызда Зачаганск кентіндегі Бірлік көшесінде қоқыс жәшігінен шала туған нәрестенің мәйіті табылған болатын. Сотқа дейінгі тергеу жүргізіліп, қажетті сот-медициналық сараптамалар жасалған.