"Заң және Тәртіп" апталығы аясында Көкшетау қаласының жаңартылған жедел басқару орталығы пайдалануға берілді.
ERNUR.KZ. Жаңартылған бөлініске облыс әкімі Марат Ахметжанов келді. Орталықтың жедел залы заманауи LED-экранмен және жаңа техникалық инфрақұрылыммен жабдықталған, бұл орталық жұмысының тиімділігін едәуір арттыруға мүмкіндік берді, деп хабарлайды ҚР Ішкі істер министрлігі.
Жедел басқару орталығы құқық бұзушылықтар мен төтенше жағдайларға ден қою жүйесіндегі негізгі буын. Оның міндеттері - бөліністердің іс-қимылын үйлестіру, жедел жағдайды бақылау және азаматтардың өтініштерін қабылдау.
Орталықта кескіннің жоғары сапасы мен кең көрінісін қамтамасыз ететін AET NX COB P жіксіз LED экраны бар. Бейнелеу мен қорғаудың озық технологияларының арқасында бейне қабырға оқиғаларға тезірек және дәлірек жауап беруге мүмкіндік береді, дейді мамандар. Сондай-ақ сегіз оператордың жұмыс орны толығымен жаңартылды, әр пост заманауи компьютермен және дисплеймен жабдықталған.
ЖБО бейнебақылау жүйесі Көкшетаудағы 281 камераны, сондай-ақ Щучинск пен Бурабайдағы 27 камераны қамтиды. Сонымен қатар орталық білім беру, денсаулық сақтау, сауда және әкімшілік нысандарында орнатылған 4 мыңға жуық камераға қосылған.
Жұмыс нақты уақыт режимінде бейне ағындарын орталықтандырылған басқаруды қамтамасыз ететін Pelco VideoXpert бейне платформасында жүргізіледі. Жаңа аппараттық-бағдарламалық кешен қолданыстағы инфрақұрылымға толық интеграцияланған және қазіргі заманғы қауіпсіздік талаптарына сәйкес келеді.
Орталықты жаңғырту қоғамдық қауіпсіздік деңгейін, жедел әрекет етуді арттыруға және қызметкерлердің еңбек жағдайларын жақсартуға бағытталған.
![](/assets/thumbnails/61/6163384d809cee44665716b6aa33353b.png ""Көрші палатадағы әйелді көргенде қатты ұялдым": жас ана асылық айтқанына өкінеді")
![](/assets/thumbnails/55/551af06b9523c9e2338581a5ffc49336.jpeg ""Енді ешкімнен сүйінші сұрамайтын болдым": өз ісіне өкінген әйел қателік жасағанын айтты")
