Көкпар VI Дүниежүзілік көшпенділер ойындарына жеке спорт түрі ретінде енгізілді

0
120

Ойындарға шамамен 2800–3000 спортшы қатысады.


Көкпар VI Дүниежүзілік көшпенділер ойындарына жеке спорт түрі ретінде енгізілді

Фото: Мақсат Шағырбаев/ Kazinform

ERNUR.KZ. VI Дүниежүзілік көшпенділер ойындары Қырғызстанда 2026 жылдың 31 тамызынан 6 қыркүйегіне дейін өтеді, деп жазады inform.kz.

Қырғызстан Республикасының Дене шынықтыру және спорт жөніндегі мемлекеттік агенттігінің мәліметі бойынша, VI Дүниежүзілік көшпенділер ойындарында көкпар жарыстары жеке спорт түрі ретінде өткізіледі.

Ойындарға шамамен 2800–3000 спортшы қатысады. Жарыстар 43 спорт түрінен өтеді, оның 20-сы қырғыз ұлттық ойындары.

Ашылу салтанаты ел астанадасындағы жаңа «Бішкек Арена» стадионында, ал спорттық іс-шаралар Ыстықкөл облысында өтеді.

Бұған дейін 60-тан астам ел VI Дүниежүзілік көшпенділер ойындарына қатысатынын растағаны хабарланған болатын.

Жақында Бішкекте ойындарға неше күн қалғанын еске салып тұратын электронды кері санақ тақтасы ресми түрде іске қосылды.

Сондай-ақ, біз барыстың 2026 жылғы Дүниежүзілік көшпенділер ойындарының талисманы ретінде таңдалғанын хабарладық.