Қазақстанда енді ауызша келісімдер де заңды болып есептелмек

ERNUR.KZ. Мәжіліс депутаты Мұрат Әбенов алаяқтықтың көбеюіне байланысты тұтынушылардың құқығын қорғау мақсатында барлық дәлелді қолдану заңмен бекітілгенін мәлімдеді, деп жазады stan.kz.

"Бұл мәселе тұтынушы мен оған тауар немесе қызмет сатқан онлайн қызметтерге қатысты.Бізде қазір онлайн алақтар өте көп. Жалған коуч, психолог, оқу орталықтары көп. Интерет арқылы тауар сатып алатындар бар. Біздің азаматтар қорғалмаған. Қолында интернет арқылы тауар сатып алғандықтан, қолында ешқандай келісімшарт жоқ, Енді ауызша келісім де заңдастырылады. Ауызша келісім де, жазбаша келісім де заңды болып есептеледі. Ол бұрын да Азаматтық кодексте бар. Адам ватсаптағы аудио, видеожазбаларды және т.б. келісімдерді факті ретінде сотта дәлел қылып қолдана алады. Оны тұтынушылар құқығы заңына енгізіп қойдық", - дейді депутат.

Әбенов тұтынушылардың өз құқығын білмейтінін айтады.

"Көп адам алданып қалады. Алаяқтар халықты менің курсымды оқысаң, 1 миллион пайда табасың, ешқандай қорықпа, ҰБТ- дан 100 балл аласың деп алдайды. Ақшаны алып алған соң жауапкершіліктен жалтарып шығады. Біз осы азаматтарды қорғау үшін өзгеріс енгізіп жатырмыз. Бұл екі қарапайым адамның арасындағы дүние емес. Бұл электронды сауда жасаған адам мен бизнес арасындағы келісім. Бизнес алдамасын деп, тұтыншушылардың құқығын қорғау заңына енгіздік", - дейді Мұрат Әбенов.