Фото: Pixabay.com
ERNUR.KZ. Қарағандыдағы Федоровское су қоймасында екі үндістандық студент суға батып кетті. Қайғылы оқиға 30 мамыр күні түстен кейін тыйым салынған жерде шомылу кезінде болды, деп жазады Ulysmedia.kz.
Қарағанды облысы Төтенше жағдайлар департаментінің мәліметінше, қаза тапқандар 21 және 22 жастағы жігіттер болған. Құтқарушылар олардың денелерін жағадан 15 метр қашықтықта және шамамен бес метр тереңдіктен тапты.
“ Трагедия болған жер жүзуге арналмаған және демалушылар үшін қауіп төндіреді. Бұл аймақтағы су қоймасының түбі тегіс емес, тереңдігі күрт өзгереді. Оқиғаның мән-жайы тексеріліп жатыр , – деп хабарлады ТЖД баспасөз қызметі.
ТЖД ЕСКЕРТУ ЖАСАДЫ
Құтқарушылар су қоймасының қауіпсіздігін сыртқы түріне қарап анықтау мүмкін емес екенін және шомылу адам өмірі мен денсаулығына қауіп төндіруі мүмкін жерлерде тыйым салу белгілері орнатылғанын еске салды.
Төтенше жағдайлар департаменті аймақ тұрғындары мен қонақтарын су қауіпсіздігі ережелерін сақтауға, белгіленбеген жерлерде шомылудан аулақ болуға, балаларды қараусыз қалдырмауға және мас күйінде суға түспеуге шақырды.
