Алматы-Өскемен тасжолындағы жол апаты: төрт адам қаза тауып, төртеуі ауруханаға түскен

0
83

Оқиға 10 желтоқсанда шамамен 14:15-те болған.


Алматы-Өскемен тасжолындағы жол апаты: төрт адам қаза тауып, төртеуі ауруханаға түскен

instagram/taldykorganec.insta_

ERNUR.KZ. "Алматы–Өскемен" тасжолының 462-шақырымында екі автокөлік жол апатына ұшырады, деп жазады tengrinews.kz.

Оқиға 10 желтоқсанда шамамен 14:15-те болған. Алдын ала деректер бойынша, KIA автокөлігінің жүргізушісі ауа райының күрт нашарлауы - боран, көктайғақ және көрінудің шектелуі жағдайында келе жатып, жолдың қарсы бағытына шығып кетіп, Toyota автокөлігімен соқтығысқан.

"Жол-көлік оқиғасы салдарынан оқиға орнында төрт адам қаза тапты. Тағы төрт жолаушы әртүрлі жарақаттарымен медициналық мекемеге жеткізілді", - делінген хабарламада.

Аталған дерек бойынша, қылмыстық іс қозғалған. Оқиғаның барлық мән-жайын анықтауға бағытталған сотқа дейінгі тергеу жүргізіліп жатыр.