Алматы облысында жедел жәрдем көлігі жаяу жүргіншіні қағып өлтірді

Видеодан скрин

ERNUR.KZ. Алматы облысында жедел жәрдем көлігі жаяу жүргіншіні қағып өлтірді, деп жазады Stan.kz.

Жол апаты Алматы-Өскемен тас жолында болған. Оқиғаның видеосы әлеуметтік желіде тарады.

Алматы облысының полиция департаменті ақпаратты растады. Полицияның мәліметінше, оқиға 11 маусым күні болған.

"Алматы - Өскемен тас жолының 75-шақырымында Hyundai H350 жүргізушісі жаяу жүргіншіні қағып кеткені анықталды. Жол-көлік оқиғасы салдарынан жаяу жүргінші алған жарақатынан оқиға орнында көз жұмды. Жол-көлік оқиғасы фактісі бойынша қылмыстық іс қозғалып, тергеу жүргізілуде", – делінген полиция хабарламасында.