Әлемнің 37 еліндегі азаматтар тісін емдету үшін Қазақстанға келіп жатыр

ERNUR.KZ. АҚШ, Германия, Иран, Ресей және ТМД елдері сияқты 37 елдің азаматтары тістерін емдету үшін Қазақстанға келіп жатыр, деп жазады azattyq-ruhy.kz.

Денсаулық сақтау министрлігінің мәліметіне сүйенсек, бұл азаматтар Қазақстанда тісін емдетіп, пародонт тіндерін қалпына келтіріп, имплант және протез салдырған.

«Қазақстандағы стоматология – шетелдің алыс-жақын елдерінен медициналық туристерді тартатын ең қарқынды дамып жатқан медициналық салалардың бірі», - деп хабарлайды министрлік.

Айта кетейік, бүгін Алматыда алғаш рет Дүниежүзілік стоматологтар Федерациясының Еуропалық секциясының Пленарлық отырысы өтті. Форумға 48 елден 110 делегат қатысты. Шараға Денсаулық сақтау министрі Ақмарал Әлназарова қатысқан.