Бүгінде электронды алаң арқылы 120 млрд теңгеге жуық шарт жасалған.
ERNUR.KZ. Ағымдағы жылдың қаңтар айынан бастап медициналық ұйымдар электрондық қаржы орталығының веб-порталында дәрілік заттар мен медициналық бұйымдарды онлайн режимде сатып алуда. Қазірдің өзінде 800-ге жуық медициналық ұйым алаңды белсенді пайдаланады. Бұл туралы ОКҚ алаңында өткен баспасөз конференциясында ҚР денсаулық сақтау вице-министрі Ержан Нұрлыбаев мәлімдеді.
Спикердің айтуынша, бүгінде электронды алаң арқылы 120 млрд теңгеге жуық шарт жасалған. Қазір Денсаулық сақтау министрлігі электронды сатып алу форматына көшудің арқасында қанша қаражат үнемделгенін анықтап жатыр.
«Бірыңғай дистрибьютор арқылы дәрілік заттарды сатып алу кезінде біз оларды сақтау үшін де, тасымалдау үшін де төлейміз. Денсаулық сақтау министрлігі «СК-Фармациямен» бірлесіп, шығындарды талдап, оларды қысқартуға болады деген қорытындыға келді. Ол үшін сақтау мен тасымалдауды жеке қызметтерге бөлуді ұсынамыз, өйткені олардың әрқайсысы арнайы шарттарды, оның ішінде температуралық режимді сақтауды талап етеді», – деді вице-министр.
Алайда, бұл талаптар медициналық өнімдерге қатысты емес. Осылайша, дәрі-дәрмектерді сақтау және тасымалдау қызметтерін екі бөлек лот ретінде сатып алу туралы шешім қабылданды. Денсаулық сақтау министрлігінің бағалауы бойынша, бұл шамамен 1 млрд теңгені үнемдеуге мүмкіндік береді.
![](/assets/thumbnails/a4/a432f2c56c40053c50446797252404f3.jpg ""Үй сатып алуды жылдамдататын жол таптым" - жас келіншек баспанасыз жүргендерге кеңес берді")
![Қоғамдық жұмысқа тартылған сотталушылар](/assets/thumbnails/78/787ed9ffc111f8aa85c56cbb61daf4ae.jpg "Қоғамдық жұмысқа тартылған сотталушылар "Қоғам алдындағы борыш" деген жазуы бар арнайы жилеттерді киюге міндеттелмек")
