10 мыңнан астам талапкер грант конкурсына құжат тапсырды

0
295

Талапкерлер 24 шілдеге дейін құжат тапсыра алады.


10 мыңнан астам талапкер грант конкурсына құжат тапсырды

Бүгін еліміз бойынша білім гранттарын тағайындау конкурсына қатысу үшін өтініштер қабылдау кампаниясы басталды. Ол 24 шілдеге дейін жүргізіледі, деп хабарлайды ғылым және жоғары білім министрлігі.

"Сағат 17:00-дегі жағдай бойынша, 10 мыңнан астам талапкер грант конкурсына қатысуға ниет білдіріп, өтініш жіберді. Ең көп өтініш "Педагогикалық ғылымдар" және "Инженерлік, өңдеу және құрылыс салалары" бағыттарына берілді", - делінген министрлік хабарламасында.
Еске сала кетсек, биыл құжаттарды қабылдау еGov арқылы онлайн форматта немесе жоғары оқу орындарының қабылдау комиссиялары арқылы офлайн форматта жүзеге асырылады. Құжаттарды кез келген жоғары оқу орындарының орналасқан жері бойынша тапсыруға болады.
Білім гранты конкурсына қатысу үшін өандай құжаттар қажет
жеке куәлік,
ҰБТ сертификаты;
3х4 көлеміндегі фото
орта білім туралы аттестат (техникалық және кәсіптік білім беру (ТжКБ) ұйымдарының түлектері үшін диплом)
жеңілдетілген санат бойынша конкурсқа қатысу үшін растайтын құжаттар.
Бөлісу