Жаз мезгілінде жасайтын көкөніс пирогы

Қажетті қоспалар:

• 1 дана пияз
• 3 стақан саңырауқұлақ
• 2 дана сәбіз
• 2-3 стақан жасыл бұршақ
• 2 ас қасық зәйтүн майы
• 1 шай қасық эстрагон дәмдеуіші
• 2-3 стақан сорпа
• 1 дана қатпарлы қамыр
• 2 ас қасық пармезан ірімшігі
• Дәміне қарай тұз, бұрыш, әсемдеуге қайнатылған картоп қажет.

Дайындалу тәсілі:

1. Табаға зәйтүн майы құйып, отқа қоямыз. Туралған пияз бен сәбізді қызып тұрған майға салып қуырамыз. Сосын саңырауқұлақтарды салып, 2-3 минут қуыру керек.
2. Содан соң табаға жасыл бұршақты салып, эстрагон дәмдеуішін қосып, сорпаны құямыз. Дәміне қарай тұз, бұрыш себелеуді ұмытпаймыз.
3. Осылайша қуырылған көкөністерді арнайы формаға аударамыз. Оның бетіне қатпарлы қамырды сәл ғана жайып салып жібереміз. Содан соң қамырдың бетіне үккіштен өткізілген ірімшікті себелеп, форманы пешке саламыз.
4. 15-20 минутта тағам дайын болады. Дайын пісірмені қайнатылған картопппен әсемдеп ұсына беруге болады.

ТАҒЫ ДА ОҚЫҢЫЗ:

ДӘМДІ МӘЗІР: Картоп пен тауық еті салынған тойымды пирог