Жер асты дүмпулері елдің әртүрлі ауданында болған.
seismo.kg сайтындағы картаның скриншоты
ERNUR.KZ. Қырғызстанда жексенбі күні, 9 тамызда, бірден үш жер сілкінісі тіркелді. Жер асты дүмпулері елдің әртүрлі ауданында болған, деп жазады tengrinews.kz.
Бірінші жер сілкінісі таңертең болды
Алғашқы жер сілкінісі сағат 09:33-те тіркелді. Оның қуаты шамамен 3 балды құрады. Ошағы Қырғызстан мен Өзбекстан шекарасында: Кочубаево ауылынан солтүстік-батысқа қарай 7 шақырым жерде және Әндіжаннан (Өзбекстан) оңтүстікке қарай 28 шақырым жерде орналасқан. Кочубаево ауылында дүмпу қуаты 2 балды құрады.
Екінші дүмпу кешкісін тіркелді
Сағат 18:33-те сейсмологтар қарқындылығы шамамен 3,5 балды құрайтын тағы бір жер сілкінісін тіркеді. Ошағы Қырғызстан аумағында - Жар-Баши ауылынан оңтүстік-батысқа қарай 6 шақырым және Баткеннен оңтүстік-шығысқа қарай 126 шақырым жерде болды.
Чак, Кұлчу және Шибээ ауылдарында жер асты дүмпулерінің қарқындылығы 2,5 балды құрады.
Үшінші жер сілкінісі түнге қарай болды
Үшінші сейсмикалық белсенділік сағат 21:42-де тіркелді. Жер сілкінісінің қуаты шамамен 3 балды құрады. Ошағы Қырғызстан аумағында - Нұра ауылынан оңтүстік-батысқа қарай 3 шақырым және Ош қаласынан оңтүстік-шығысқа қарай 135 шақырым жерде орналасқан.
Нұра және Еркештам ауылдарында дүмпу қарқындылығы шамамен 3 балды құрады.
