Табиғи өртті сөндіруге және жоюға жұмылдырылған барлық қатысушылардың ерен еңбегінің арқасында жалпы алғанда нәтижеге қол жеткізілді.
ERNUR.KZ. Өртті сөндіру жұмыстары негізінен екі бағытта: Жерновка – Шүлбі және Қаштақ ауылы маңында үздіксіз жүргізіліп жатыр, деп жазады Zakon.kz.
Табиғи өртті сөндіруге және жоюға жұмылдырылған барлық қатысушылардың ерен еңбегінің арқасында жалпы алғанда нәтижеге қол жеткізілді.
Мәселен, Қаштақ ауылы аймағына жеке құрамның 200 адамы, 30 техника, 3 тікұшақ жұмылдырылды. Жерновка – Шүлбі ауданында 300 адам, 40 техника және 9 тікұшақ бар.
"Айта кету керек, соңғы күндері өрт аумағы айтарлықтай қысқарды, өрт сөндіру жұмыстары тұрақты бақылауда", – деді облыс әкімі Абай Нұрлан Ұранхаев.
Өзбекстан мен Түркия Қазақстанға Абай облысындағы ірі орман өртін сөндіруге көмектесуге дайын екенін білдірді. Бұл жөнінде 2023 жылғы 13 маусымда өткен брифингте Қазақстан Республикасы Сыртқы істер министрлігінің ресми өкілі Айбек Смадияров мәлім етті.
