Шымкент қаласындағы білім беру ұйымдарында оқушыларға медициналық қызмет көрсету МӘМС жүйесі аясында жүзеге асырылады. Жыл басынан бері балаларға 252 мыңға жуық қызмет көрсетілді.
Балалар жеңілдік санатына жататындықтан, МӘМС жүйесінде мемлекет есебінен сақтандырылған. Қазіргі таңда қала мектептерінде 277 143 оқушы білім алады.
Мектеп медицинасында оқушылар профилактикалық тексерулерден өтіп, сауықтыру іс-шараларын қабылдайды, аурулардың, психикалық денсаулық бұзылыстарының, темекі, нашақорлық, құмар ойындар және суицидтік мінез-құлықтың алдын алу бойынша көмек алады.
Сондай-ақ, ұлттық күнтізбе бойынша вакцина салынады және шұғыл жағдайларда алғашқы көмек көрсетіледі.
МӘМС арқылы қолжетімді осы қызметтер туралы ақпаратты «Әлеуметтік медициналық сақтандыру қоры» Шымкент филиалының мамандары мектептерде өткізген кездесулерінде түсіндірді. Олар ұстаздар мен жоғары сынып оқушыларына МӘМС пакетіне кіретін қызметтер, медициналық ұйымды таңдау, дәрі-дәрмекпен қамтамасыз ету және тексерулер тәртібі туралы мәлімет берді.
![](/assets/thumbnails/a9/a9823297ef043642a522823f6f30dbb2.jpg ""Әкемнің бірінші әйелінде кеткен ұлын іздесем бе екен?"")
![](/assets/thumbnails/7a/7a688295a571c0bd9eb1e1bd9cdbbb40.jpg ""Күйеудің құрметі, әйелдің қадірі жоқ": жас бойжеткен таксиде куә болған жағдайды айтты")
