«Қазақстан балалары»: Шымкентте «Балалар үні» атты жиын өтті

27.05.2025 17:30

428

Бүгін Шымкент қаласындағы №2 Оқушылар сарайында 1 маусым – Халықаралық балаларды қорғау күніне арналған ерекше іс-шара өтті.

ұлттық науқаны аясында ұйымдастырылған бұл жиын «Балалар үні» тақырыбымен өткізілді.

Шараның негізгі мақсаты – балалардың көзқарасын тыңдау, олардың армандары мен бастамаларына қолдау көрсету. Бұл бастама – өскелең ұрпақтың болашағына бейжай қарамай, ел ертеңін бірге қалыптастыруға бағытталған нақты қадам.

«Балалар үні» – тек мерекелік жиын ғана емес. Бұл – бала тілегіне деген құрметтің, олардың пікірін бағалайтын, тең мүмкіндік беруге ұмтылатын қоғамның белгісі. Баланың үні – тыныштық пен бейбітшіліктің, даму мен жарқын болашақтың үні.

Іс-шара барысында балалар танымал спортшылармен, мәдениет және өнер саласының өкілдерімен кездесіп, сұқбаттасуға мүмкіндік алды. Бұл кездесулер балаларға шабыт беріп, олардың армандарын жүзеге асыру жолында сенім ұялатты.

Бала – болашақтың дауысы. Бүгінгі баланың күлкісі мен үміті – ертеңгі Қазақстанның кемел келбеті.