Оның өмірлік ұстанымы – «Еңбек – адам абыройының өлшемі». Шынында да, осындай еңбекқор әрі жауапты мамандар – қоғамның тірегі, өндіріс саласының жүрегі және техникалық қызметтің сенімділігін қамтамасыз ететін негізгі күші.
Шымкент қаласының жылу-энергетикалық кешенінде ұзақ жылдар бойы еңбек етіп келе жатқан Боровская Наталья Иванқызы – техникалық салада өз ісіне шынайы берілгендігімен, кәсіби біліктілігімен және ерекше жауапкершілігімен құрметке ие маман. Оның жалпы еңбек өтілі – 6 жылдан астам уақытты қамтығанымен, энергетика саласындағы нақты тәжірибесі отыз жылға жуық мезгілді құрайды, бұл оның тиянақтылығы мен адалдығын көрсетеді.
Наталья Иванқызы кәсіби білімін 1989–1992 жылдары Шымкент энергетикалық техникумында алды. Ол «Жылу электростанцияларының жылу энергетикалық жабдықтарын құрастыру және пайдалану» атты күрделі мамандық бойынша білім алып, техник-теплотехник біліктілігін сәтті иемденді.
Еңбек жолын 1992 жылы, білім алған соң бірден, энергетика саласында бастады. 1992–1994 жылдары ол «Гортеплокоммунэнерго» кәсіпорнында 2-дәрежелі химиялық әдіспен су тазалаушы операторы ретінде қызмет етті. Бұл алғашқы қадамдар оның болашақ күрделі жұмысының негізін қалады.
Наталья Иванқызының өндіріс саласындағы тәжірибесі одан әрі тереңдей түсті. 1995–1999 жылдар аралығында ол «Южказэнерго» аудандық басқармасының Шымкент ЖЭО химиялық цехында аппаратшы болып қызмет атқарды. Бұл кезеңде ол жылу электр орталығының химиялық процестерімен тығыз жұмыс істеп, өндіріс саласындағы тәжірибесін тереңдетті және жұмыс сапасының жоғары болуына тікелей үлес қосты.
Кейінгі онжылдықта, яғни 2000–2010 жылдар аралығында, Наталья Иванқызы «Южполиметалл» ЖАҚ-та 3-дәрежелі химиялық әдіспен су тазалаушы аппаратшысы қызметін абыроймен атқарды. Осы ұзақ мерзім ішінде ол өндірістік ортадағы химиялық тазалау процестерін меңгерудегі шеберлігін дәлелдеді.
2010–2019 жылдары оның кәсіби тәжірибесін шыңдаған келесі маңызды кезең басталды. Ол «3-Энергоорталық» АҚ-ның жылу желілерінде химиялық әдіспен су тазалаушы аппаратшы болып еңбек етті. Бұл жылдар жылу желілерінің тиімділігі мен сенімділігін қамтамасыз етудегі оның біліктілігінің қаншалықты маңызды екенін көрсетті.
2019 жылдан бастап бүгінгі күнге дейін Наталья Иванқызы «Қуатжылуорталық-3» МКК РК-3 қазандығында химиялық әдіспен су тазалаушы лаборант болып жызмет етіп келеді. Өз ісіне деген адалдығы мен ұқыптылығының арқасында ол жылу жүйелерінің сенімді әрі сапалы жұмыс істеуіне, әсіресе қысқы маусымда қала тұрғындарын жылумен қамтамасыз етуде үлкен үлес қосып жүр.
Наталья Иванқызы – өзінің еңбекқорлығымен, тиянақтылығымен және кәсіби этикасымен әріптестері арасында үлкен құрметке ие. Ол тек жұмысты сапалы атқарып қана қоймай, жас мамандарға үлгі болып, жинақтаған бай тәжірибесін бөлісуден ешқашан жалықпайды.
Оның өмірлік ұстанымы – «Еңбек – адам абыройының өлшемі». Шынында да, осындай еңбекқор әрі жауапты мамандар – қоғамның тірегі, өндіріс саласының жүрегі және техникалық қызметтің сенімділігін қамтамасыз ететін негізгі күші.
