Құжатта орта мерзімді кезеңге арналған өзгерістер де қарастырылған.
ERNUR.KZ. Қазақстанда мұрағат ісі мен ветеринария саласының мамандары еңбек жағдайына байланысты жаңа қосымша төлемдер мен үстемақылар ала бастады. Тиісті Үкімет қаулысы күшіне енді, деп жазады stan.kz.
Үкіметтің №564 қаулысына сәйкес, жаңа нормалар 2026 жылғы 30 маусымнан бастап күшіне енді. Өзгерістер бірнеше бағытты қамтиды:
- Еңбек жағдайына байланысты қосымша төлемдер: Енді ветеринария және мұрағат ісі саласының мамандары заңнамада көзделген үстемақыларды ресми түрде алуға құқылы.
- Ауылдағы мамандарды қолдау: Ауылдық жерде жұмыс істейтін мамандарға жергілікті мәслихаттардың шешімімен лауазымдық жалақысына кемінде 25 пайыз көлемінде үстемеақы белгіленеді.
Құжатта орта мерзімді кезеңге арналған өзгерістер де қарастырылған. Атап айтқанда, 2027 жылғы 1 қаңтардан бастап мемлекеттік мекеме қызметкерлеріне қосымша арттыру коэффициенті енгізіледі. Соның нәтижесінде олардың лауазымдық жалақысы 1,75 есеге өседі.
