Тергеу шаралары екі айдың ішінде аяқталуы қажет.
ERNUR.KZ. Танымал блогерлер - ерлі-зайыпты Жанәбіловтерге қатысты қылмыстық іс қозғалды. Бұл туралы қаржылық мониторинг агенттігі төрағасының орынбасары Жеңіс Елемесов мәлімдеді, деп жазады sputnik.kz.
Бұған дейін Жанәбіловтердің ісі бойынша аппеляциялық соттың отырысы өткен болатын. Сол кезде судья блогерлердің әрекетінде қылмыстық жауапкершілік бар деген шешімге келді. Осыған байланысты қаржылық мониторинг тағы тергеуге кірісті.
"Материалдар бізге түсті. Қазіргі кезде 214-бап бойынша қылмыстық іс тіркелді. Тергеу басталды. Материалдар күні кеше ғана түскен, сондықтан блогерлерге қатысты шараны әлі қабылдаған жоқпыз", - деді Елемесов сенаттағы брифингте.
Оның айтуынша, Жанәбіловтер елде жүр. Тергеу шаралары екі айдың ішінде аяқталуы қажет.
Айта кетері, Қылмыстық кодекстің 214-бабы (заңсыз кәсіпкерлік) бойынша 20 000 айлық есептiк көрсеткiшке (2025 жылда - 7 864 000 теңгеге) дейiнгi айыппұл салуға не сол мөлшерде түзеу жұмыстары, я болмаса, 600 сағатқа дейінгі қоғамдық жұмыстар не екi жылға дейiнгi мерзiмге бас бостандығын шектеу немесе сол мерзімге бас бостандығынан айыру жазасы қарастырылған.
Еске салайық, Ерболат Жанабылов пен Эльмира Төлегенова әлеуметтік желідегі парақшаларында 10 көліктің ұтыс ойынын жарияланған.
![](/assets/thumbnails/9d/9d058364dc9a570317cdc52141710e46.jpg ""Көршім енеме қарсы айдап салды": жас келін енесінің көңілін қалай табарын білмей жүр")
![](/assets/thumbnails/df/dfd8974e3ca7c53480e497aa532fb523.jpg ""Берген уәделерінің 90 пайызын орындамады": он алты жасында тұрмысқа шыққан келіншек қиындығын бөлісті")
