Бұған дейін Zeekr 9X иесі шекарадан өткеннен кейін көлігі 30 сағаттан астам уақытқа бұғатталып, Қазақстанда қалып қойған болатын.
Фото: carnewschina.com
ERNUR.KZ. Zeekr 9X иесінің Қазақстанда қашықтан бұғаттау салдарынан 30 сағатқа жуық автокөлік функцияларын толық пайдалана алмауына қатысты оқиғадан кейін компания бұл функцияның жұмыс істеу тәсілін өзгертуді ұйғарды, деп жазады tengrinews.kz.
Нәтижесінде фирмалық қосымшада құпия сөздер генераторы пайда болады, ал таяу арадағы OTA-жаңартуларының бірінде иелері есіктерді қашықтан бұғаттау жүйесін толықтай өшіре алады, деп хабарлайды Tengri Auto CarNewsChina-ға сілтеме жасап.
Естеріңізге сала кетейік, бұған дейін Zeekr 9X иесі шекарадан өткеннен кейін көлігі 30 сағаттан астам уақытқа бұғатталып, Қазақстанда қалып қойған болатын. Мұндай жүйе көліктерді ұрлықтан және заңсыз әкетуден қорғау үшін әзірленген, алайда ол қоғамда үлкен резонанс тудырып, электрмобиль иелері тарапынан сұрақтар туындатты.
Енді компания құпия сөздер генераторын енгізді, ол иелеріне қорғаныс іске қосылғаннан кейін автокөлікті бұғаттан шығару үшін кодтарды өз бетінше жасауға мүмкіндік береді. Сонымен қатар халықаралық сапарлар кезінде өзекті мәселе саналатын мұндай құпия сөзді интернетке қосылмай-ақ алуға болатын-болмайтыны әзірге белгісіз.
Бұдан бөлек, Zeekr жаңа OTA-жаңартуын жариялады. Оны орнатқаннан кейін қосымшада трансшекаралық бұғаттау функциясын өшіруге мүмкіндік беретін арнайы ауыстырып-қосқыш пайда болады. Компания жаңарту шыққаннан кейін бұл функция әдепкі бойынша ажыратылатынын атап өтті.
