Фото: ©Tengrinews.kz/Болат Айтмолда
ERNUR.KZ. Талдықорғанда Шерзат Болаттың (Полат) өліміне қатысты іс бойынша сот процесі жалғасып жатыр. Сот отырысы барысында айыпталушылардың қорғаушылары прокурорға қарсылық білдірді, деп жазады tengrinews.kz.
Айта кетейік, бүгін сот отырысында айыпталушы Дархан Әскентайдан жауап алу басталды. Прокурор Дана Сәрсенбай айыпталушы Дархан Әскентайға сұрақтар қойып бастаған кезде оның қораушысы прокурорға қарсылық білдіретінін мәлімдеді. Бұл қарсылықты қорғаушы тарап қолдады.
"Ол (Дана Сәрсенбай – еск.) сұрақтарды бұрмалап қойып, айыпталушыға қысым көрсетіп, дауыс көтеріп сөйлеп отыр. Біз мемлекеттік айыптаушыға қарсылық білдіреміз", – деді адвокат Мәулен Ержанов.
Сондай-ақ, адвокаттар прокурор Дана Сәрсенбай жәбірленуші тараппен "процессуалдық емес байланыс" орнатқанын мәлімдеді.
Еске салайық, 5 мамырда сот отырысы әлеуметтік желілерде жарияланған айыпталушылардың видеосын талқылаудан басталды. Жарияланған бейнежазбада айыпталушылардың күлімсіреп, кабинадан шыққаны көрінеді. Бұл жағдай әлеуметтік желі қолданушылары мен қоғам тарапынан наразылық туғызды.
![ШЫМКЕНТ: Тұран ауданында](/assets/thumbnails/80/80f9b0bd05e403db92a516752dab7665.jpeg "ШЫМКЕНТ: Тұран ауданында "ҰРПАҚҚА ҰРАН БОЛҒАН ҰЛЫ ЖЕҢІС!" атты волейбол турнирі өтті")
