Бұған дейін әлеуметтік желілерде жанып жатқан көліктердің видеосы тараған еді.
видео кадры
ERNUR.KZ. Семейде зейнеткер полицияға тиесілі екі көлікті өртеп жіберген. Оқиға әлеуметтік желілер мен БАҚ-та қызу талқыланып жатыр, деп жазады tengrinews.kz.
Не болған?
Бұған дейін әлеуметтік желілерде жанып жатқан көліктердің видеосы тараған еді. Куәгерлердің айтуынша, оқиға Семейдегі "Юность" шағынауданында, колледж маңында болған. Олардың сөзінше, өрт қасақана қойылған болуы мүмкін.
Полиция пікірі
Абай облысы Полиция департаменті оқиғаның мән-жайын хабарлады. 25 қаңтарда "Юность" шағынауданындағы әкімшілік аумақты аралау барысында учаскелік полиция инспекторлары бұрын сотталған 66 жастағы жергілікті тұрғынды анықтаған.
Полиция мәліметінше, ер адам мас болған, қоғамдық тәртіпті бұзып, агрессивті мінез-құлық танытқан.
"Ол учаскелік полиция пунктіне жеткізіліп, қоғамдық орында алкогольдік мас күйде болғаны үшін әкімшілік хаттама толтырылды. Құжаттар рәсімделгеннен кейін туыстарына тапсырылып, босатылған. Бұған келіспеген ер адам қасақана заңсыз әрекет жасап, учаскелік полиция пунктінің маңында тұрған, учаскелік инспекторларға тиесілі екі автокөлікті бензин құйып өртеп жіберген", – деп хабарлады полиция.
Өрт салдарынан ірі көлемде материалдық шығын келтірілген.
Аталған факт бойынша қылмыстық іс қозғалды. Күдікті ұсталып, уақытша ұстау изоляторына қамалған, жасаған ісін толық мойындады.
![](/assets/thumbnails/f1/f127bb6b31d4fff0d9e1539561ad0f9c.jpg ""Есі-дерті - киім, косметика, әлеуметтік желіде әдемі көріну": қыз өсіріп отырған ана тәрбиедегі қиындығын айтып берді")
