Маман қазақ және орыс тілдерін еркін меңгеруі керек.
Фото: freepik.com
ERNUR.KZ. Meta компаниясы Ирландияның Дублин қаласында жұмыс істейтін нарық маманын іздеп жатыр. Негізгі назар - Қазақстан нарығы, деп жазады azattyq-ruhy.kz.
Meta компаниясының құрамындағы Global Response Operations ұйымы нақты уақыттағы дағдарыстарға жауап береді, туындап келе жатқан қауіптерді алдын ала анықтап, бағалайды, тәуекелдерге байланысты тексерулер жүргізеді және қауымдастыққа барынша пайдалы болу үшін қандай әрекеттер қажет екенін айқындайды.
Бұл жұмыс жергілікті нарықты терең білуді, саясатты түсінуді және тілдік ерекшеліктерді қажет етеді. Қызмет талабы төменгідегідей:
- Еуропа командасының құрамында жұмыс істеп, өңірдегі дағдарысқа әрекет ету шараларын іске асыру
- On-call операциялық жүйе аясында SEO нарықтарындағы аса маңызды контентке жауап беру, негізгі назар – Қазақстан нарығына
- Тілдік және геосаяси білімді, мәдени ерекшеліктер мен азшылық қауымдастықтарды түсінуді пайдалана отырып, өңірдегі күрделі тәуекелдер мен операциялық мәселелерді анықтау және шешу
- Meta өнімдеріндегі шағымдар мен мәселелерді зерттеу және шешу (аккаунттарға қолдау көрсету сұраныстары, зорлық-зомбылық, графикалық суреттер мен видеолар, қорлайтын тіл және басқа да орынсыз контент)
- Тілдік сараптама талап етілмейтін, әлемнің әр түкпірінен шыққан контентке қатысты бақылау шараларын қолдау
- Жергілікті және өңірлік жарнама бизнесіне қауіп төндіретін факторларды анықтау және оларды жою
- Meta-ның аутсорсинг серіктестерімен тығыз байланыста жұмыс істеп, барлық операциялық KPI көрсеткіштерінің орындалуын қамтамасыз ету
- Жұмыс процестері, операциялық нұсқаулықтар, саясат жаңартулары және Қауымдастық стандарттары бойынша үнемі хабардар болу
- Meta серіктестерін оқыту мен бейімдеуге қолдау көрсету
- Бакалавр және/немесе магистр дәрежесі немесе соған тең тәжірибе
- Қазақ және орыс тілдерін еркін меңгеру (бұл рөлде осы тілдерде жұмыс істеу және сыртқы клиенттермен байланыс қажет)
- Операциялық ортада кемінде 1 жыл кәсіби тәжірибе
- Қазақстан нарығындағы әртүрлі аудиториялармен және мүдделі тараптармен жұмыс істей білу
- Жақсы коммуникация және командалық жұмыс дағдылары
Meta адамдарды байланыстыратын, қауымдастықтар табуға және бизнесті дамытуға көмектесетін технологияларды жасайды. 2004 жылы Facebook іске қосылғаннан кейін адамдардың байланыс тәсілін түбегейлі өзгертті. Messenger, Instagram және WhatsApp сияқты қосымшалар миллиардтаған адамдарды біріктірді. Қазір Meta 2D экрандардан асып, кеңейтілген және виртуалды шындық сияқты жаңа технологиялар арқылы әлеуметтік байланыстың келесі кезеңін құрып жатыр.
