Қазақстанда мектепке дейінгі білім беру саласындағы құзыреттілік орталықтарының саны артты

0
74

Құзыреттілік орталықтары балалардың қызығушылықтарын ескере отырып, трансформацияланатын пәндік-дамыту ортасын жасайды, білім беру процесін ойын түрінде ұйымдастырады және тірек мектептермен тиімді өзара іс-қимыл орнатады.


Қазақстанда мектепке дейінгі білім беру саласындағы құзыреттілік орталықтарының саны артты

фото:ortcom.kz.

ERNUR.KZ. Мемлекет басшысының тапсырмасына сәйкес 2023 жылдан бастап мектепке дейінгі ұйымдарда «Құзыреттілік орталықтары» пилоттық жобасы іске қосылды. Олар озық педагогикалық тәжірибені енгізу, тәрбиешілердің біліктілігін арттыру және ата-аналар, педагогтер мен мектепке дейінгі ұйымдар арасындағы ынтымақтастықты нығайту алаңына айналды. Бүгінде Қазақстанда 330 Құзыреттілік орталығы жұмыс істейді, оның 180-і қалаларда, 150-і ауылдық жерлерде орналасқан, деп хабарлайды ҚР Оқу-ағарту министрлігі.

Мектепке дейінгі және орта білім беру бағдарламаларын үйлестіру мақсатында 202 Құзыреттілік орталығы тірек мектепке дейінгі ұйымдар мәртебесіне ауыстырылып, тірек мектептерге бекітілді. Балабақшалар, кеңес беру пункттері және мектептер арасындағы өзара іс-қимылдың қадамдық жоспары әзірленді, бұл балалардың оқу және тәрбиелеу процесінде сабақтастықты қамтамасыз етуге мүмкіндік береді.

Құзыреттілік орталықтары балалардың қызығушылықтарын ескере отырып, трансформацияланатын пәндік-дамыту ортасын жасайды, білім беру процесін ойын түрінде ұйымдастырады және тірек мектептермен тиімді өзара іс-қимыл орнатады.

«Құзыреттілік орталықтары желісін дамыту – мектепке дейінгі білім беруді жаңғыртудың маңызды қадамы. Бұл балаларға сапалы, икемді және заманауи мектепке даярлықты қамтамасыз етуге, ал педагогтерге – жаңа білім алып, үздік тәжірибелермен бөлісуге мүмкіндік береді», – деп атап өтті Мектепке дейінгі білім беру департаментінің директоры Манара Адамова.