Жаңа заң 2026 жылы парламентте талқыланады.
фото: Акимат Павлодарской области/Valeriy BUGAYEV
ERNUR.KZ. Қазақстанда ветеринарлық құжатсыз ет сатқандар үшін қылмыстық жауапкершілік енгізу жоспарланып отыр. Бұл туралы ауыл шаруашылығы вице-министрі Аманғали Бердалин хабарлады, деп жазады sputnik.kz.
Бұл 2026 жылы парламентте талқыланатын ветеринария туралы жаңа заңда қарастырылады, деді вице-министр.
"Халық 3 айлық есептік көрсеткіш көлеміндегі айыппұлдан қорықпайды. Оны қатаңдату керек, себебі бұл азық-түлік қауіпсіздігімен байланысты. Мұндай істерді айыппұлмен емес, қылмыстық заңмен жазалау керек", - деді ол.
Вице-министр сондай-ақ ет және ет өнімдерінің цифрлық қадағалануы туралы айтты.
"Өндірілетін өнімдердің барлығы мал сою алаңдарында немесе ет комбинаттарында сойылып, ветеринарлық-санитарлық сараптамадан өтуі керек. Тексеруден кейін біз еттің қайда кететінін көреміз — базарға, мектепке, балабақшаға немесе ауруханаға. Біз соңғы тұтынушыны көруіміз керек", - деп түсіндірді ол.
Жүйе бүкіл Қазақстан бойынша енгізіліп жатыр және жақын арада мейрамханалар мен қоғамдық тамақтану нысандарын қамтитын болады.
![](/assets/thumbnails/34/3469e8f2f601759467764fac45bbd15b.jpg ""Қайнымның баласын бауырыма салып берді": құрсақ көтере алмаған келіншекке қайынатасы қолдау көрсеткен")
![](/assets/thumbnails/45/45ab12c002ba7a680377e37d39bfc4f7.jpg ""Қартайғанда бала-шағаға сүйкімсіз болғым келмейді"")
