Солтүстік аймақтарда күндізгі температура 22-27 градусқа түседі.
Фото: tengrinews.kz / Тұрар Қазанғапов
ERNUR.KZ. Қазгидромет синоптиктері 4, 5 және 6 тамызға арналған ауа райы болжамын жариялады, деп жазады tengrinews.kz.
Циклон жаңбыр әкеледі
Болжамға сәйкес, алдағы күндері Қазақстан бойынша солтүстік-батыс циклоны және онымен байланысты атмосфералық фронтальды жүйелер жүріп өтеді.
"Суық ауа массаларының әсерінен циклон жаңбыр мен найзағай әкеледі, солтүстік және орталық аймақтарда қатты жаңбыр жауады, ал кейбір жерлерде бұршақ жаууы мүмкін", - делінген хабарламада.
Жаңбырмен қатар Қазақстанға салқын ауа келеді. Температура алдыңғы күндермен салыстырғанда айтарлықтай төмендейді.
Қай өңірде күн суытады?
Солтүстік аймақтарда күндізгі температура 22-27 градусқа түседі.
Елдің шығысында да аптап басыла бастайды. Бұрын ауа 33-38 градусқа дейін жылынса, алдағы күндері температура 27-32 градусқа дейін төмендейді.
