Сотқа дейінгі тергеу барысында күдіктінің жасырынуына байланысты оған халықаралық іздеу жарияланған.
видео кадры
ERNUR.KZ. Алаяқтық жасады деген күдікті Сауд Арабиясынан Қазақстанға экстрадицияланды, деп жазады tengrinews.kz.
Қазақстан Республикасының Бас прокуратурасы және ІІМ Интерпол қызметкерлері Сауд Арабиясы Корольдігіндегі Қазақстанның елшілігінің көмегімен Сауд Арабиясынан алаяқтық және атқарушылық құжатты орындамау бойынша қылмыстық жауаптылыққа тарту үшін Қазақстан азаматын экстрадициялады.
"Күдікті 2018-2023 жылдар аралығында алдау және сенімді теріс пайдалану арқылы Алматыда жәбірленушілердің 19 миллион теңге сомасындағы ақшалай қаражаты мен мүлкін иемденген.
Сонымен қатар, ол ұзақ уақыт бойы алматылық коммерциялық компанияның 82 миллион теңге сомасына алдын ала төленген тауарды жеткізу бойынша міндеттемелерін орындаудан жалтарған", - делінген хабарламада.
Сотқа дейінгі тергеу барысында күдіктінің жасырынуына байланысты оған халықаралық іздеу жарияланған.
"Биыл ол Сауд Арабиясы аумағында ұсталып, Қазақстан Республикасы Бас прокуратурасының сұрауы бойынша елге экстрадицияланды. Қазіргі уақытта күдікті тергеу изоляторына қамауға алынды".
Тағылған қылмыстар үшін мүлкін тәркілеумен бес жылдан он жылға дейін бас бостандығынан айыру жазасы қарастырылған.
![](/assets/thumbnails/3c/3c9b6520a1d9d7c3e9897f94c8af479b.png ""Әйелдің пешенесіне күйеуін асырау жазылмаған": екі баланың анасы өз ісіне өкінбейтінін айтты")
