Электронды цифрлық қолтаңбаны алу толығымен онлайн форматқа көшіріледі

Ведомство бұл қызметті толығымен онлайн-форматқа ауыстырады. Жаңа талап 2025 жылдың 11 тамызынан бастап күшіне енеді.

"Бұл шешім азаматтардың дербес деректерін қорғау деңгейін арттыру және жеке цифрлық деректердің қауіпсіздігін қамтамасыз етуге бағытталған", - деп жазылған хабарламада.

Бұл электрондық қолтаңбаны бөгде тұлғаларға алу жағдайының алдын алады, дейді министрліктегілер.

Бұған дейін ЭЦҚ-кілттерін онлайн да, халыққа қызмет көрсету орталықтарында да алуға болатын. Енді бұл процесс толықтай онлайн форматқа көшіріледі.