Электр станцияларындағы жөндеу науқаны кестеге сәйкес жүріп жатыр – министрлік

"Қазақстанның Біртұтас электр энергетикалық жүйесі Ресей және Орталық Азия елдерінің энергожүйелерімен қатарлас режимде тұрақты жұмыс істеуде. Электр станциялары жүйе операторы бекіткен кестеге сәйкес жүктемені көтеріп отыр", - делінген министрлік хабарламасында.

Министрліктің мәліметінше, 2025 жылға арналған жөндеу науқаны аясында электр станцияларында 10 энергия блогы, 63 қазандық және 39 турбинаға күрделі жөндеу жүргізу жоспарланған. Қазіргі уақытта 2 энергия блогында, 16 қазандық пен 8 турбинада жөндеу жұмыстары әртүрлі кезеңде жүріп жатыр. 1 энергия блогы мен 2 қазандықтағы жөндеу аяқталды.

Энергетика министрлігі жөндеу науқанының барысын тұрақты бақылауда ұстап, барлық жұмыстардың уақытылы әрі сапалы орындалуын қамтамасыз ету үшін тиісті шараларқабылдап жатқанын хабарлады.