Халықпен кездесу барысында Қасымбектен әкімдік LRT-ның сынақтық іске қосу мерзімін кейінге шегерді ме деп сұрады.
Фото: Tengrinews.kz / Маржан Қуандыққызы
ERNUR.KZ. Астанада LRT қашан іске қосылатыны және жолақысы қанша болатыны туралы елорда әкімі Жеңіс Қасымбек мәлімдеді, деп жазады tengrinews.kz.
Халықпен кездесу барысында Қасымбектен әкімдік LRT-ның сынақтық іске қосу мерзімін кейінге шегерді ме деп сұрады.
"Ештеңе өзгерген жоқ, қыркүйекте сынақ режимінде алғашқы құрамдарды іске қосуды жоспарлап отырмыз. Сынақ қорытындысы бойынша оның толыққанды пайдалануға қашан берілетіні белгілі болады. Әдетте сынақ режимі үш айдан алты айға дейін созылады", – деді елорда әкімі.
Тілшілер Астана әкіміне бұл LRT 2026 жылдың басында іске қосылады дегенді білдіре ме деп нақтылады.
"Біз әрқашан осы мерзімдерді айтып келдік", – деп жауап берді Жеңіс Қасымбек.
Оның айтуынша, жолақы шамамен 200 теңге болуы мүмкін. Бірақ түпкілікті тариф кейінірек жарияланады.
"Жобаға бір реттік жолақы құны 200 теңгеге дейін деп енгізілген. Дәлме-дәл бағасы да осы жылдың соңына дейін анықталады", – деді Қасымбек.
![](/assets/thumbnails/13/13cf7857768e9bf8a67eb2d06ec21774.jpg ""Ағама айтар алғысым шексіз": жас келіншек енді ешқашан несие алмауға бекініп отыр")
