Алатауда тегін тағам аламын дегендер қысылып қалған: кафе иесіне айыппұл салынады

0
663

Оқиға 26 қазанда Алатаудағы Жетіген шағынауданында болған.


Алатауда тегін тағам аламын дегендер қысылып қалған: кафе иесіне айыппұл салынады

фото: видеодан скрин

ERNUR.KZ. Алатауда жуырда кафенің ашылуында тегін тағам таратылғанда адамдар қысылып қалған. Алматы облысы полициясы бұл жағдайға пікір білдірді, деп жазады tengrinews.kz.

Оқиға 26 қазанда Алатаудағы Жетіген шағынауданында болған. Полицияның мәліметінше, мекеме әкімшілігі тұтынушыларды тарту үшін тамақтарды тегін тарату акциясын ұйымдастырған.

Акция жақын маңдағы жексенбілік базардың жұмысына дәл келіп, келушілер одан әрі көбейген. Шараға шақыру SMS арқылы кафенің тұрақты тұтынушыларына да жіберілген.

Тексеру акцияның әкімдікпен келісілмей өткізілгенін, бұл белгіленген ережелерді бұзатынын көрсетті. Бұдан бөлек, мекеме әкімшілігі қауіпсіздік шараларын қамтамасыз етпей, адамдар топтасуын бақылай алмаған.

"Мекеме иесіне қатысты әкімшілік іс қозғалды. Әкімшілік құқықбұзушылық туралы кодекстің 443-бабы 1-бөлігі бойынша қоғамдық тәртіпті қамтамасыз етуге байланысты талаптарды бұзғаны үшін кәсіпкер әкімшілік жауапкершілікке тартылып, айыппұл салынды", - деп хабарлады полиция департаменті.

Еске салайық, жақында Ақтау маңындағы қала маңында донерді тегін тарату да мұндай жағдайға ұласқан еді.