Ақтөбедегі кафеде жарылыс болды (видео)

0
89

Зардап шеккендер бар.


Ақтөбедегі кафеде жарылыс болды (видео)

Фото: Видеодан скрин

ERNUR.KZ. Ақтөбеде тұрғын үйдің бірінші қабатындағы кафеде жарылыс болды, деп жазады inform.kz.

13 қараша күні сағат 10:28–де Ақтөбе қаласы, Тәуелсіздік даңғылы, 14/1 мекенжайында орналасқан бес қабатты тұрғын үйдің бірінші қабатындағы кафеде газ-ауа қоспасы жарылды.

Оқиға салдарынан кафенің жапсарлас салынған құрылымы опырылып, артынша өрт шықты. Сондай-ақ тұрғын үйдің терезе құрылымдары зақымданды.

Оқиға орнына Ақтөбе облысының Төтенше жағдайлар департаментінің күштері мен құралдары жедел жетті. Өрт сағат 10:53–те толық сөндірілді.

— Оқиға салдарынан екі адам зардап шегіп, жедел жәрдем бригадасымен ауруханаға жеткізілді. Қаза тапқандар жоқ. Төтенше жағдайды жою жұмыстарына ТЖД-ның 45 жеке құрам қызметкері мен 10 техникасы жұмылдырылды. Оқиға орнында Төтенше жағдайлар департаментінің бастығы жүр. Қазір оқиғаның себептері мен мән-жайы анықталып жатыр, — делінген хабарламада.