Майдангер Василий Грецкий 101 жаста.
ERNUR.KZ. Ақтөбе облысындағы жалғыз ардагер Василий Грецкий Жеңіс күнін қарсы алды, деп жазады sputnik.kz.
Василий Иванович 101 жаста, 1922 жылы Витебск облысының (Беларусь) Полоцк қаласында дүниеге келген. Грек отбасы 30-жылдардың басында Қазақстанға көшіп келеді.
Отбасы әкеден ерте айырылып, нан табу үшін бес бауырымен бірге Ұлы Отан соғысы басталғанға дейін Жамбыл облысының Мойынқұм ауданында мақта жинап күн көреді.
Василий Иванович Алматыда арнайы дайындықтан өтіп, сол жерден 1943 жылы майданға жіберіледі. Ол бірінші Украин, 111-ші Беларусь майданының құрамында соғысқан.
1945 жылы Грецкий Жеңісті Берлиннен 75 шақырым жерде ауруханада қарсы алады. 1946 жылы алған жарақаттарына байланысты ол запасқа жіберілді.
Жауынгерлік еңбегі үшін Василий Иванович Грецкий "Қызыл Жұлдыз" орденімен, II дәрежелі Отан соғысы орденімен марапатталды.
Ардагердің екі қызы мен ұлы бар. Ол алты немереден, он шөбере сүйіп отыр. Ұрпағы майдангердің жауынгерлік еңбегін мақтан тұтады.
