Шұжықтан палау дайындап көрдіңіз бе?

Қажетті қоспалар:

• 220 гр. күріш
• 150-200 гр. шұжық
• 1-2 дана сәбіз
• 1 дана пияз
• 2 тіс сарымсақ
• 20-30 гр. өсімдік майы
• 1 шай қасық дәмдеуіш
• 1 шай қасық тұз

Дайындалу тәсілі:

1. Көкөністердің қабығын аршып, пиязды жұқалап турап, сәбізді ірі үккіштен өткізесіз.
2. Табаға май құйып қыздырып, пиязды қуырамыз. Артынша сәбізді салып қуыру керек.
3. Шұжықты турап дайындап аласыз. Күрішті де тазалап жуу керек. Содан соң табадағы қуырылған көкөністерге күріш пен шұжықты салып, дәміне қарай тұз, дәмдеуіштерді қосасыз. 450-500 мл қайнаған су құйып, барлығын араластырасыз.
4. Қазанды қайнатып, қайнаған соң жай отта 20 минуттай пісіреміз. 20 минут өткеннен кейін қазанға туралған сарымсақты саласыз. Қақпағын жауып, тағы да 5 минут бұқтырасыз. Палау дайын!

ТАҒЫ ДА ОҚЫҢЫЗ:

Ең дәмді панкейктер мәзірі