Түркияда аспалы жол кабинасы жолаушыларымен бірге биіктіктен құлап, бір адам қаза тапты (видео)

0
886

Түркияның Анталия провинциясының батысында аспалы жол кабинасы биіктіктен опырылып құлады.


Түркияда аспалы жол кабинасы жолаушыларымен бірге биіктіктен құлап, бір адам қаза тапты (видео)

ERNUR.KZ Салдарынан бір адам қаза тауып, жеті адам жарақат алды, деп жазады Stan.kz.


Оқиға Коньяалты жағажайынан тауға көтеріліп бара жатқан 605 метрлік аспалы жолда болған. Қазіргі уақытта жұмыс уақытша тоқтатылып, құтқарушылар салондардан басқа жолаушыларды эвакуациялауда. Биіктікте кабиналарда әлі де адамдар бар.

Оқиға орнына полиция, құтқару топтары және медициналық көмек жіберілді. Дәрігерлер бір адам қаза тауып, тағы жеті адам, оның ішінде екі бала жараланғанын анықтады. Кабинаның өзі қирап қалды.

Фуникулярдың төменгі нүктесіне жақынырақ келген жолаушыларды кабиналардан түсіруге болады. Куәгерлердің бірі аспалы жол бұзылғанға дейін жарылысқа ұқсас дүмпу естілгенін, содан кейін құрылым қатты шайқалғанын хабарлады.