Мексикада 5,6 магнитудалы жер сілкінісі болды

ERNUR.KZ. Мексиканың Төменгі Калифорния штатының жағалауында 5,6 магнитудалы жер сілкінісі тіркелді, деп жазады BAQ.KZ.

АҚШ Геологиялық қызметінің (USGS) мәліметінше, жер сілкінісінің эпицентрі Санта-Росалия қаласынан 75 шақырым солтүстік-шығыста орналасқан.

Жерасты дүмпулерінің ошағы шамамен 10 шақырым тереңдікте болған.

Жер сілкінісінен кейін цунами туралы ескерту жарияланған жоқ.

Алдын ала ақпарат бойынша, қаза болғандар мен қираған нысандар туралы мәлімет жоқ.