​ТЕСТ: Суреттен не көрдіңіз?

Фото: ЖИ

Біз жұрт туралы бәрін білеміз. Қандай киім жарасатынын, жетістікке жету үшін не істеу керектігіне дейін біліп, ақыл айтамыз. Бірақ өзіміздің ішкі қорқыныштарымызды, болмысымыз бен жасырын потенциалымызды біле бермейміз. Ал психологиялық тестер қазіргі ішкі күйімізді дөп басып анықтауға, өзімізді терең тануға көмектеседі.

Сондай суретті тестің бірін ұсынамыз. Суретке 5 секунд қараңыз, ең бірінші не көрдіңіз? Өзіңіз байқаған нұсқаны таңдап, төмендегі жауаптардан ішкі әлеміңіздің құпиясын оқыңыз.

Бас сүйек

Сіз өз сезімдеріңізді сыртқы әлемнен жасыруға бейімсіз. Алайда бұл қорғаныс маскасын тағудың еш қажеті жоқ. Керісінше, өзіңіздің шынайы эмоцияларыңызды ашық көрсету арқылы сіз өзіңіздің даралығыңызды айқындап, айналаңыздағы адамдардан ерекшелене түсер едіңіз.

Эмоцияларды ішке бүгу және сезімдерді бұғаттау — сіздің психологиялық әл-ауқатыңыз бен өмір сапаңызға үлкен нұқсан келтіреді. Мұндай тұйықталу уақыт өте келе ішкі күйзеліске әкелуі мүмкін. Сіз кез келген проблемамен бетпе-бет келуден қашқақтайсыз. Оларды сындарлы түрде шешудің орнына, жанжалдар мен қиындықтардың алдын алуға, лажы болса олардан айналып өтуге барыңызды саласыз. Мұндай позиция сіздің ішкі әлеуетіңізді шектеп, тұлғалық тұрғыдан алға жылжуыңызға, жаңа белестерді бағындыруыңызға және өмірден шынайы бақыт сезінуіңізге үлкен кедергі келтіреді. Проблемадан қашу — оны жоймайды, тек шегеріп, ішкі мазасыздықты арттыра түседі.

Соған қарамастан, сіз таптырмас, өте адал әрі сенімді доссыз. Айналаңыздағы адамдарды терең түсіне аласыз, орынды да салмақты кеңес айтасыз және қиын сәтте қол ұшын созуға әрдайым дайын тұрасыз. Сіздің бойыңызда өзгелердің жанын емдейтін үлкен эмпатия бар.

Психолог кеңесі: Осы ішкі махаббат пен қамқорлықты өзіңізге бағыттауыңыз қажет. Өзіңізге деген сенімділікті оятып, өзгелерге беріп жүрген алтынға бергісіз кеңестерді өз өміріңізде қолданып бастаңыз. Эмоцияларыңызды тануға және оларды ашық білдіруге рұқсат беріңіз.

Қыздардың бейнесі

Жан дүниеңіз айналаңыздағы адамдар үшін ашық кітаптай айдан анық, мөлдір әрі таза. Сондықтан да сіз өмірде де, тұлғаралық қарым-қатынаста өтірік пен жасандылықты жаныңыз сүймейді, тек шынайылық пен ізгілікті жоғары бағалайсыз. Түпсаналық деңгейде сіз өз армандарыңыздың, жасампаз идеяларыңыз бен асқақ мақсаттарыңыздың жетегінде, шабытты күйде өмір сүресіз.

Сіз өткен күннің өкінішіне байланып, босқа энергия жоғалтпайтын саналы тұлғасыз. Болып өткен оқиғаларды тәжірибе ретінде қабылдап, негізгі назарыңызды осы шақта өмір сүруге және болашақ қамыңызды жақсартуға бағыттайсыз.

Бойыңыздағы ешқандай маскасыз, шынайы әрі бар болмысыңызбен ашық бола білетін бірегей қасиетіңізге өзгелер таңданыспен әрі үлкен құрметпен қарайды. Осы табиғи харизмаңыз адамдарды өзіңізге магнитше тартады. Сонымен қатар, сіз өмірдің кез келген сынағына позитивті тұрғыдан, сындарлы көзқараспен қарай аласыз. Бұл ішкі оптимизм мен психологиялық икемділік сізді ең күрделі тығырықтар мен қиын ситуациялардан суырылып шығуға, кез келген дағдарысты даму мүмкіндігіне айналдыруға көмектеседі.

Психолог кеңесі: Өмірге деген мұндай жарқын көзқарас пен ішкі тазалық сіздің ең үлкен ресурсыңыз. Дегенмен, әлемге тым ашық болу кейде сізді эмоционалды түрде осал етуі мүмкін. Сондықтан осы ішкі ізгілігіңіз пен балаң аңғалдығыңызды қорғай білу үшін жеке шекараларыңызды бекемдеп отыруды ұмытпаңыз. Өз идеяларыңызға сеніңіз, армандарыңызды жүзеге асырудан қорықпаңыз және бойыңыздағы осы жасампаз жарықты сөндіріп алмаңыз.

Ағаш

Сіз көптеген адамдар байқамай өтіп кететін, тіпті мән беруді қажет деп таппайтын нәзік детальдар мен құбылыстарға зейін қоя білесіз. Бұл сіздің түпсанаңыздың өте қуатты жұмыс істейтінінің, интуицияңыздың жоғары дамығанының айқын белгісі. Сіздің бойыңыздағы шығармашылық әлеует өте жоғары. Сіз әлемді қалыптасқан шаблондармен емес, мүлдем басқа, тереңірек қырынан танып, оны өзгеше түсіндіргіңіз келеді. Мұндай қасиет тек кең ауқымда ойлай алатын, стратегиялық көрегендігі бар және мағынасыз, үстірт нәрселерге уақыт шығындамайтын кемел сана иелеріне ғана тән.

Сіздің ой-өрісіңіздің кеңдігі мен сезімталдығы сонша айналаңыздағы адамдар сізді жиі түсінбей жатады. Алайда осы «оқшаулану» немесе өзгелерден ерекшелену күйі үшін еш уақытта ренжіп, өзіңізді кінәламаңыз. Көпшіліктің сізді түсінбеуі сіздің қателігіңіз емес, бұл сіздің ойлау деңгейіңіздің өзгешелігі (даралығы). Бұл жағдайды жалғыздық деп емес, өзіңізді тануға берілген еркіндік деп қабылдаңыз. Керісінше, осы ерекшелікті өз игілігіңізге пайдаланып, тұлғалық өсуіңізге, ішкі әлеуетіңізді ашуға және рухани дамуыңызға даңғыл жол салатын орта мен істі іздеңіз.

Психолог кеңесі: Ағаш бұл өсудің, тұрақтылықтың және терең тамырдың символы. Сіздің де идеяларыңыз бен ойларыңыздың тамыры өте тереңде жатыр. Алайда тек қиял мен терең ойлар әлемінде қалып қоймай, сол шығармашылық потенциалыңызды материалды әлемде іске асыруды, яғни «жерге тамыр жаюды» үйренуіңіз қажет. Өз идеяларыңызды сурет, мәтін, жоба немесе кез келген өнер туындысы арқылы сыртқа шығарыңыз. Айналаңыздан сіздің ерекше бітіміңізді бағалайтын, сізбен деңгейлес интеллектуалды және рухани пікірлестер табуға тырысыңыз.

Дайындаған: Ж. Нұрабай,

ERNUR.KZ

Тағы да оқыңыз:

Күш-қуатты сақтаудың 3 алтын қағидасы