Жоғалып кетер алдында куәгерлер оны жағажайда оғаш күйде көрген.
instagram.com/sweetchili999
ERNUR.KZ. Бірнеше күн бойы іздеуде болған көпшілікке Кисло-Сладкий лақап атымен танымал өнерпаз, қазақстандық рэпер Дархан Жұмабек, Таиландтың Пхукет қаласындағы ауруханалардың бірінен табылды, деп жазады ulysmedia.kz.
Өнерпаз Таиландта бірнеше күн бұрын жоғалып кеткен. 27 жастағы музыкантты соңғы рет Паттайяда көрген, ол ол жаққа музыкалық клиптер түсіруге келген.
Жоғалып кетер алдында куәгерлер оны жағажайда оғаш күйде көрген. SHOT мәліметінше, Кисло-Сладкий қазіргі уақытта Пхукеттегі ауруханада жатыр. Оның ауыр жарақаттары жоқ.
Алдын ала ақпарат бойынша, қосымша тексеруден кейін оны бір тәулік ішінде ауруханадан шығаруы мүмкін.
Контекст
Кисло-Сладкийдің жоғалғаны туралы ақпарат 20 маусымда белгілі болды. Оның жақындары рэперді соңғы рет Паттайядағы жағажайлардың бірінде көргенін айтқан. Оның есірткіге мас болуы мүмкін деген ақпарат та тараған.
Дархан Жұмабек – қазақстандық рэп орындаушысы. Ол алғашында «Кисло-Сладкий & Bonah» дуэтінің мүшесі ретінде танылып, кейін жеке шығармашылық жолын бастаған.
![ІІМ:](/assets/thumbnails/3e/3ef7b8332cdb1fb94e877abe2a6cd4cc.jpeg "ІІМ: "Жас сақшы" сыныптарының алғашқы түлектері сертификат алып, заңға қызмет ету жолын таңдады")
