Каспий теңізіндегі оқу-жаттығу кезінде 12 әскери қызметші қаза тапты, үшеуі құтқарылды, тағы екі әскери қызметшіні іздеу жұмыстары жалғасып жатыр.
фото: POOL
ERNUR.KZ. Ресей президенті Владимир Путин Қазақстан президенті Қасым-Жомарт Тоқаевқа Каспийдегі әскери қызметшілердің қаза болуына байланысты көңіл айтты, деп жазады sputnik.kz.
"Қазақстанның Әскери-теңіз күштерінің Каспийдегі оқу-жаттығулары барысында болған қайғылы оқиғаға байланысты терең қайғырып көңіл айтамын", - делінген жеделхатта.
Маңғыстау облысында Каспий теңізіндегі оқу-жаттығу кезінде 12 әскери қызметші қаза тапты, үшеуі құтқарылды, тағы екі адамды іздеу жұмыстары жалғасып жатыр.
Қасым-Жомарт Тоқаев Маңғыстау облысындағы қайғылы оқиғаға байланысты Қазақстанда 25 қыркүйекті жалпыұлттық аза тұту күні деп жариялады.
![](/assets/thumbnails/f8/f8f9ce43e0082a2dffac7c2a92b57af5.jpg ""53 жаста зейнетке шыға алмайды": Қазақстандық көпбалалы әйелдер қалай зейнетақы алады")
