Елдер арасындағы келісім 49 жылдық жалдау және салықтан босатуды көздейді.
фото:Sputnik / Сергей Гунеев
ERNUR.KZ. Қазақстан gарламенті cенаты Астана мен Бішкек қалаларында дипломатиялық өкілдіктердің ғимараттары мен жер учаскелерін өзара өтеусіз пайдалану туралы келісімді ратификациялады, деп жазады sputnik.kz.
Бұл екі ел елшіліктерінің қажеттіліктері үшін қажет, деп атап өтті сенат. Құжатқа 2025 жылдың 22 тамызында қол қойылды. Жер мен ғимараттар 49 жыл мерзімге ұзарту мүмкіндігімен беріледі.
Осылайша, Бішкектегі Қазақстан елшілігіне 0,75 гектар жер учаскесі бөлінді. Қазақстан елшісінің резиденциясы үшін жалпы ауданы 531,66 шаршы метр және іргелес жер көлемі 0,17 гектар коттедж бөлінді.
Ал Қырғызстанның Астанадағы елшілігіне Қырғызстан елшісінің резиденциясы үшін 0,74 гектар жер учаскесі және ауданы 1267,8 шаршы метр және іргелес жер көлемі 0,125 гектар коттедж бөлінді.
"Аталған жылжымайтын мүлік екі елде де салынатын барлық салықтар мен алымдардан босатылған. Өз кезегінде, тараптар ғимараттарды салуға, жөндеуге және күтіп ұстауға байланысты барлық шығындарды, сондай-ақ коммуналдық төлемдерді қабылдаушы елде қолданыстағы тарифтерге сәйкес дербес өтейді", - деді халықаралық қатынастар комитетінің төрағасы Андрей Лукин.
Сенаттың айтуынша, келісімді ратификациялау қазақ-қырғыз қарым-қатынастарын одан әрі нығайтуға, саяси диалогты дамытуға және екіжақты ынтымақтастықты кеңейтуге ықпал етеді.
