Биылғы алты айда республика бойынша сібір жарасының 14 расталған жағдайы тіркелген.
Фото:depositphotos.com
ERNUR.KZ. Ақмола облысында сібір жарасын жұқтырғандар саны артты. Науқастардың бірі ауыр жағдайда жатыр, деп жазады tengrinews.kz.
Денсаулық сақтау министрлігі Санитарлық-эпидемиологиялық бақылау комитетінің төрағасы – Қазақстанның Бас мемлекеттік санитар дәрігері Сархат Бейсенованың мәліметінше, соңғы деректер бойынша Ақмола облысында сібір жарасының зертханалық расталған 8 жағдайы тіркелген.
"Науқастар тиісті ем қабылдап жатыр, олардың бірінің жағдайы тұрақты ауыр, Көкшетаудағы Жұқпалы аурулар орталығында стационарлық ем алып жатыр. Сібір жарасының зертханалық расталған жағдайлары арасында медицина қызметкерлері тіркелмеген", – делінген Бейсенованың қолы қойылған комитет жауабында.
Ведомство мәліметінше, ауру ошағында толық көлемде эпидемияға қарсы іс-шаралар жүргізілген. Жағдай Денсаулық сақтау министрлігінің бақылауында.
"Биылғы алты айда республика бойынша сібір жарасының 14 расталған жағдайы тіркелді, оның ішінде Ақмола облысы бойынша – 8 жағдай. Сібір жарасынан қайтыс болғандар тіркелген жоқ", – деді комитет өкілі.
![](/assets/thumbnails/82/82e2e632a66c5695025e2cf9449b3442.jpg ""Баланы аяған ақымақ қылады"")
![](/assets/thumbnails/bf/bf40543da0de5277d9bd2586db810aee.jpg ""Күйеуге қалай тигенімді білмеймін" - астаналық келіншек күйеуіне күмәні барын жасырмады")
