Қазір екі оқиға бойынша сотқа дейінгі тергеу амалдары жүргізіліп жатыр.
Фото: inbusiness.kz
ERNUR.KZ. Ақмола облысының Зеренді және Целиноград аудандарында екі адам көз жұмды, деп жазады inbusiness.kz.
– Алдын ала мәлімет бойынша Зеренді ауданында дала жұмыстарын жүргізу кезінде Еленовка ауылының 46 жастағы тұрғыны қайтыс болған. Ал Целиноград ауданында Түркістан облысының 22 жастағы тұрғыны электр тогының соғуынан қаза тапты, – деп хабарлады ведомство.
Қазір полиция қызметкерлері оқиғаның барлық мән-жайын анықтау үшін қажетті тергеу әрекеттерін жүргізіп жатыр. Тергеу нәтижесінде заңнамаға сәйкес тиісті процессуалдық шешімдер қабылданады.
Белгілі болғандай, Зеренді ауданында көз жұмған ер адам шөп тайлайтын престің механизміне қысылып қалған.
