Өзбекстан президентінің әкімшілігінде жаңа лауазым енгізілді.
Фото: Өзбекстан президентінің баспасөз қызметі
ERNUR.KZ. Өзбекстан президенті Шавкат Мирзиёев ел басшысы әкімшілігінің құрылымына өзгеріс енгізу туралы жарлыққа қол қойды. Құжатқа сәйкес, Президент әкімшілігіне жаңа лауазым – Президент әкімшілігінің басшысы енгізілді. Бұл қызметке мемлекет басшысының үлкен қызы – Саида Мирзиёева тағайындалды, деп жазады azattyq-ruhy.kz.
Бұған дейін Саида Мирзиёева президенттің көмекшісі қызметін атқарған болатын.
Саида Мирзиёева 2022 жылдың қарашасынан бері Президент әкімшілігінің атқарушы аппаратында коммуникация және ақпараттық саясат мәселелері бойынша секторды басқарған.
Саида Мирзиёева – Дүниежүзілік экономика және дипломатия университетінің түлегі. Сонымен қатар, ол Ташкент мемлекеттік заң университетінде және М.В. Ломоносов атындағы Мәскеу мемлекеттік университетінде магистрлік білім алған. Экономика ғылымдарының кандидаты ғылыми дәрежесі бар.
![](/assets/thumbnails/f3/f3cd10314447cd8d839293625b4c1dcc.jpeg ""Бірлік үшін дұға": Назарбаев өзі салған мешітке барды")
![](/assets/thumbnails/cf/cf64144ec9e9fad11cd25be83ce4200c.jpg ""Күйеуімнен жиіркенемін, төсегімді бөлек салам": балалары есейген әйел көңілі біржола суып кеткенін айтты")
