Сауд Арабиясы өлім жазасына кесілген адам саны бойынша рекорд жаңартты

ERNUR.KZ. Сауд Арабиясында екінші жыл қатарынан өлім жазасына кесілген адамдар саны рекордтық деңгейге жетіп отыр. Британиялық Reprieve құқық қорғау ұйымының дерегінше, биыл елде 347 адам өлім жазасына кесілген. 2024 жылы бұл көрсеткіш 345 адам болған, деп жазады inbusiness.kz.

Ұйымның хабарлауынша, соңғы өлім жазасына кесілгендер есірткі қылмысы үшін сотталған екі пәкістандық азамат болған. Сондай-ақ биыл бұл жазаға тартылғандардың арасында журналист те бар. Бұдан бөлек бес әйел де өлім жазасына кесілді.

Reprieve ұйымының мәліметінше, өлім жазасына кесілгендердің шамамен үштен екісі есірткі қылмыстары үшін сотталған. Сондай-ақ, олардың жартысынан астамы шетелдіктер екені белгілі болды.

Осы аптада Сауд Арабиясының аумақтық суларында 2021 жылы ұсталған жас мысырлық балықшы Иссам әл-Шазли өлім жазасына кесілді. Ол өзін есірткі тасымалдауға мәжбүрлегенін айтқан. Reprieve ұйымының мәліметінше, 96 өлім жазасы тек қана гашишке байланысты қылмыстар үшін орындалған.

Биыл өлім жазасына кесілген саудиялық азаматтардың қатарында Абдулла әл-Дерази мен Джалал әл-Лаббад болды. Олар ұсталған кезде кәмелеттік жасқа толмаған болатын. 2011 және 2012 жылдары олар ел үкіметінің шиит азшылығына көрсеткен қарсылығына қарсы наразылықтарға, қауіпсіздік күштері өлтірген адамдардың жерлеу рәсімдеріне қатысқан. Олар терроризмге байланысты айыптар бойынша сотталып, өлім жазасына кесілген. Amnesty International бұл сот процестері әділетсіз өтті дегенді алға тартты. БҰҰ-ның адам құқықтары бойынша сарапшылары олардың босатылуын талап еткен.