Платформаны 80 млн адам қолданған.
Фото: Freepik
ERNUR.KZ. Әлемдегі ең танымал ойын платформаларының бірі Roblox-та балаларға бөтен ересектермен сөйлесуге тыйым салынды. Бұл шара Австралия, Жаңа Зеландия және Нидерландыда іске асқан, жаңа жылдан бастап басқа елдерге де қолданылады, деп жазады azattyq-ruhy.kz.
ВВС-дің жазуынша, енді платформада әр қолданушының жасы тексеріледі. АҚШ-тың бірнеше штатында Roblox-қа шағым түскен. Платформа кәмелетке толмаған балаларға жыныстық сипаттағы контент тұтынуға және ересектермен еркін сөйлесуіне мүмкіндік берген.
Roblox қосымшасында жасын тексеру үшін камера арқылы бет сканері қолданылады. Бұл жүйе 5-тен 25 жасқа дейінгі пайдаланушылардың жасын шамамен 1–2 жыл дәлдікпен анықтай алады. Пайдаланушылар мынадай жас топтарына бөлінеді:
- 9 жасқа дейін
- 9–12 жас
- 13–15 жас
- 16–17 жас
- 18–20 жас
- 21+
Қолданушылар тек өз жас тобына сәйкес адамдармен сөйлесе алады, тек «сенімді байланыс» функциясын пайдалану арқылы басқа адамдарға қосыла алады. 13 жасқа дейінгі балаларға жеке хабарламалар мен кейбір чаттарға ата-анасының рұқсаты сұралады.
2024 жылы Roblox платформасын күнделікті 80 миллионнан астам адам пайлаланған, олардың шамамен 40%-ы 13 жасқа дейінгі балалар болды.
![](/assets/thumbnails/7a/7a688295a571c0bd9eb1e1bd9cdbbb40.jpg ""Күйеудің құрметі, әйелдің қадірі жоқ": жас бойжеткен таксиде куә болған жағдайды айтты")
![](/assets/thumbnails/f8/f82ab28a9219e6c6154c72003ce9ea76.jpg ""Тамағым тәтті болғанмен, қабағы қатты келінмін"")
![](/assets/thumbnails/8d/8d1ef8c2332b5f83b061eb4a232240d8.jpeg ""Қадіріңді білмейтін жерден қаш!": жас келіншек әйелдерге денсаулығы мен жүйкесін сақтауға кеңес берді")
