Өрттен 128 адам қаза тапқан еді.
Фото: Reuters
ERNUR.KZ. Гонконг билігі 26 қарашада Wang Fuk Court тұрғын кешенінде болған жаппай өрттен қаза тапқандардың құрметіне үш күндік қаралы күн жариялады, деп жазады Azattyq Rýhy.
Қала тұрғындары қайтыс болғандарды үш минут үнсіздікпен еске алды. 1 желтоқсанға дейін Гонконгтың әр ауданында арнайы көңіл айту кітапшалары қойылған пункттер жұмыс істейді.
Қаралы күн аясында барлық мемлекеттік және аймақтық ту төмен түсірілді; Мерекелік іс-шаралар тоқтатылды немесе кейінгі күндерге шегерілді; Тұрғындарға қаза тапқандардың отбасыларына көңіл айтуға мүмкіндік беретін орталықтар ашылды.
Алдын ала деректерге сүйенсек, өрт реновация аясында қойылған бамбукті құрылыс ормандарынан басталып, кейін кешендегі жеті көпқабатты үйге тараған.
Соңғы мәлімет бойынша, қайғылы оқиғада 128 адам қаза тапты. Қытайдың орталық телеарнасы хабарлағандай, қаза тапқандардың отбасыларына 25,7 мың доллар көлемінде өтемақы беріледі.
![](/assets/thumbnails/54/544a2414cb8220dba4a271dcabc1c1d1.jpg ""Бізге айтпай үйленіп алды": анасы қайтыс болған бойжеткен әкесінің әрекетіне өкпелі екенін айтты")
![](/assets/thumbnails/4c/4ced11b2f91eff49250367d85a332c0f.jpg ""Баланы ұрмай-ақ тәрбиелеуге болады": төрт баланың әкесі өз балалық шағынан көргенін айтты")
