5 қыркүйекте Кремльде Ресей президенті Уиткофф және Кушнермен кездескен болатын.
© POOL
ERNUR.KZ. АҚШ президентінің арнайы өкілі Стив Уиткофф пен оның күйеу баласы Джаред Кушнердің Украина президенті Владимир Зеленскиймен келіссөзі Киевте басталды, деп жазады sputnik.kz.
Бұған дейін Kyiv Independent Уиткофф пен Кушнердің Украинаға бейбіт келіссөздерді талқылау үшін келгенін жазған. Кейін украиналық УНИАН агенттігі америкалық арнайы өкілдердің Киевте Зеленскиймен кездескенін хабарлады.
"Зеленский Киевте Кушнер мен Уиткоффпен келіссөздердің басталғанын мәлімдеді", — делінген басылымның Telegram-арнасындағы хабарламада.
Бір күн бұрын Кремльде Ресей президенті Владимир Путин Уиткофф және Кушнермен кездесті. Кездесу шамамен үш сағатқа созылды.
Ресей тарапынан келіссөздерге президенттің көмекшісі Юрий Ушаков және Ресей президентінің шетелдермен инвестициялық-экономикалық ынтымақтастық жөніндегі арнайы өкілі Кирилл Дмитриев те қатысты.
