ҰҚШҰ Ауғанстан халқына гуманитарлық және экономикалық қолдау көрсетуді жалғастырады

14.05.2025 09:38

133

ҰҚШҰ сыртқы істер министрлерінің кеңесі бұл елдегі жағдайды бақылауды жалғастыру керек екеніне сенім білдірді.

фото: Ebrahim Noroozi

ERNUR.KZ. ҰҚШҰ хатшылығында ҰҚШҰ сыртқы істер министрлері кеңесі жанындағы Ауғанстан бойынша жұмыс тобының 41-ші отырысы өтті, деп жазады sputnik.kz.

Шараға ұйымға мүше мемлекеттердің делегациялары мен түрлі халықаралық ұйымдардың өкілдері қатысты.

"Ауғанстандағы ағымдағы жағдай бойынша егжей-тегжейлі пікір алмасу болып, осы елдің аумағынан туындайтын жоғары ықтимал тәуекелдер мен қауіптердің жалғасып жатқаны айтылды", - делінген хабарламада.

Отырысқа қатысушылар ҰҚШҰ-ға мүше мемлекеттер тарапынан Ауғанстан халқына гуманитарлық және экономикалық қолдау көрсетуді жалғастыру қажет деген ортақ пікірге келді.

Сондай-ақ олар Ауғанстандағы жағдайды бақылауды жалғастырудың және осы елде бейбітшілік процесін орнатуға ықпал етудің орындылығы туралы ортақ ұстанымды білдірді.

Отырыс соңында отырыстың хаттамасы қабылданды.