Израиль премьер-министрі Қазақстанның Ибраһим келісімдеріне қосылуын батыл шешім ретінде бағалады.
© Sputnik / Владислав Воднев
Израиль тарапының бастамасымен мемлекет басшысы Қасым-Жомарт Тоқаев премьер-министр Биньямин Нетаньяхумен телефон арқылы сөйлесті, деп хабарлайды ERNUR.KZ. Ақордаға сілтеме жасап.
Әңгімелесу барысында Қазақстан мен Израиль арасындағы көпжылдық және сан қырлы ынтымақтастық қарқынды дамып келе жатқаны аталып өтті.
Тараптар екіжақты және көпжақты күн тәртібіндегі мәселелер бойынша ықпалдастықты одан әрі арттыруға ниетті екенін растады.
"Бұдан бөлек, Биньямин Нетаньяху Қазақстанның Ибраһим келісімдеріне қосылуы туралы шешімі үшін Қасым-Жомарт Тоқаевқа айрықша ризашылығын білдірді", - деп жазылған хабарламада.
Израиль премьер-министрі бұл қадамды бейбітшілік, тұрақтылық пен халықаралық диалогты нығайту ісіндегі батыл әрі көреген шешім ретінде бағалады.
Қасым-Жомарт Тоқаев пен Биньямин Нетаньяху байланыстарды жандандыруға, соның ішінде жоғары деңгейдегі сапарлар ұйымдастыруға уағдаласты.
![](/assets/thumbnails/fd/fd2a29451e4f3a4805a58e0215fe1378.jpg ""Қаралы үйде бергенді жеп, құйғанды ішу керек": оқырман жаназада жағымсыз жайтқа куә болғанын айтты")
