Киік етін өңдеу үшін бөлек ет комбинаты салынуы мүмкін.
фото: пресс-служба Минэкологии
ERNUR.KZ. Қазақстанда киік санын реттеу мақсатында бұл жануардың популяциясын 800 мың басқа азайту қарастырылып жатыр. Бұл туралы экология және табиғи ресурстар министрі Ерлан Нысанбаев мәлімдеді, деп жазады sputnik.kz.
Министрдің айтуынша, өткен аптада ғалымдар осы мәселені зерделеуді аяқтады. Соңғы шешім жақын күндері қабылданады.
"Бүгінде барлық популяциядан 20 процент алу ұсынылып отыр. Көктемгі есепке сәйкес, Қазақстандағы киік саны 3,9 млн басты құрайды. Нақтысы – 3 млн 978 мың бас, шамамен 4 млн деп ала береміз. Демек, популяциядан орташа есеппен 800 мың бас алынады", - деді Нысанбаев үкіметте өткен брифинге.
Ғалымдар популяциядан алынатын киік жасын да анықтады.
"40 проценті – аталық, 40 проценті – ұрғашы, 20 проценті – биыл туғандар. Біз ғылыми негіздемені алдық. Бүгінде ұйымдастыру жұмыстарына кірістік. Бір-екі күнде өз шешімімізді жариялаймыз", - деп атап өтті министр.
Министрдің сөзіне қарағанда, киік етін өңдеу үшін бөлек ет комбинаты салынуы мүмкін.
"Өңдеу мәселесі маңызды. Себебі популяциядан алынатын киік саны көп. Қазіргі кезде біз киік етін өңдейтін ет комбинаттарын құру бойынша инвестициялық жобаларды пысықтап жатырмыз. Алты компания тарапынан қызығушылық бар", - деді Нысанбаев.
Айта кетері, Қазақстан 1 500 киікті Қытайға сыйға тартады. Көрші елде киік популяциясын қалпына келтіру үшін олар Қытайдың батысына жіберіледі.
![](/assets/thumbnails/cf/cf64144ec9e9fad11cd25be83ce4200c.jpg ""Күйеуімнен жиіркенемін, төсегімді бөлек салам": балалары есейген әйел көңілі біржола суып кеткенін айтты")
![](/assets/thumbnails/55/551af06b9523c9e2338581a5ffc49336.jpeg ""Енді ешкімнен сүйінші сұрамайтын болдым": өз ісіне өкінген әйел қателік жасағанын айтты")
