Робот шаңсорғыш таңдауда нені ескеру керек?

0
187


Робот шаңсорғыш таңдауда нені ескеру керек?

Соңғы уақытта автоматтандырылған және роботтандырылған құрылғылардың саны жылдам көбеюде. Бұл технология тұрмыстық техникаға да әлдеқашан жеткен. Солардың арасында робот шаңсорғыш соншалықты танымал әрі күнделікті қолданыстағы құрылғыға айналды.

Робот шаңсорғыштар шамамен 2000 жылы пайда болды. Содан бері олар қарапайым дөңгелек щеткалы құрылғыдан күрделі де технологиялық тұрмыстық техникаға дейін дамып жетілді. Қазір оны жүздеген бренд шығарады.
Көп адамдар әлі күнге дейін оларға сенімсіздікпен қарайды, бірақ бекер. Бұл құрылғы сізді үй жинаудан толықтай босата алады. Бұл ыңғайлы көмекші пәтеріңізді сіздің орныңызға және сізге ыңғайлы уақытта тазалап береді, мысалы, сіз жұмыста жүргенде.

Робот шаңсорғыштар – заманауи үй жинау технологиясының ыңғайлы әрі интеллектуалды шешімі. Алайда, кез келген техника секілді, оның да артықшылықтары мен кемшіліктері бар.


Артықшылықтары

1. Уақыт үнемдейді

  • Үйді өздігінен тазалайды, ал сіз басқа іспен айналыса аласыз немесе демаласыз.
  • Апталық/күнделікті тазалау кестесін автоматты түрде орната аласыз.

2. Автоматтандырылған жұмыс

  • Көптеген модельдерде кедергіден айналып өту, баспалдақтан құлап кетпеу, бөлмені картаға түсіру сияқты функциялар бар.
  • Смартфон арқылы басқаруға болады (Wi-Fi арқылы).

3. Аз орын алады

  • Кәдімгі шаңсорғышқа қарағанда кішірек, жинақтау оңай.
  • Жиһаздың астын да тазарта алады.

4. Күнделікті тазалықты сақтайды

  • Кішкентай қоқыс, шаң-тозаң жиналып қалмайды.
  • Үйде үй жануарын ұстайтындар үшін үлкен көмек (түктерді тазалау).

5. Шу деңгейі төмен

  • Көптеген модельдер тыныш жұмыс істейді, әсіресе түнде тазалауға болады.
  • Жақсы сапалы модельдер қымбат тұрады.
  • Қосымша керек-жарақтар (фильтр, щетка, аккумулятор) да шығынды талап етеді.


Кемшіліктері

1. Бағасы

2. Күрделі немесе тар жерлерді толық тазарта алмайды

  • Бұрыштар, өте тар саңылаулар, баспалдақтарды робот шаңсорғыш мінсіз таза ете алмайды. Соңыра қайтадан қолмен тазалауды қажет етеді.
  • Есік табалдырықтары кедергі болуы мүмкін.

3. Қуаты әлсіз болуы мүмкін

  • Кәдімгі шаңсорғышпен салыстырғанда сорғыш қуаты төмен.
  • Үлкен немесе қатты ластанған аумақтарда тиімділігі төмендеуі мүмкін.

4. Күтім қажет

  • Контейнерді жиі босату керек.
  • Кейде бағдарламада ақау болуы мүмкін (мысалы, картадан адасу, Wi-Fi үзілуі).

Беткі қабатқа оралған шаштар мен жіптерді тазалау керек.

5. Жиһаз немесе сымдарға тірелуі мүмкін

  • Төмен сапалы модельдер жиһазға соғылады, сымдарға оралып қалуы мүмкін.
  • Кішкентай пәтер үшін (30–50 м²) қарапайым модель жеткілікті.
  • Егер бөлмелер көп болса, карта жады бар модель таңдаңыз.

Робот шаңсорғышты таңдау да оп-оңай шаруа емес. Себебі оның бағасы мен функциясы әртүрлі, сондай-ақ үйдің жоспары, жиһазы, қабат түрлері де әр адамда өзгеше. Сондықтан робот шаңсорғышты таңдаған кезде мыналарға мән беру керек.

1. Үйдің аумағы мен жоспары

Үлкен үй үшін (100 м²+) картография (бөлме картасын құру) функциясы кіріктірілген, жұмыс уақыты ұзақ үлгілерді таңдау қажет.

2. Аккумулятор және жұмыс уақыты

  • Қарапайым модельдер 60–90 минут жұмыс істейді.
  • Үлкен үйге өздігінен заряд станциясына оралатын және қайта тазалауды жалғастыратын модель керек.

Орташа және жоғары деңгей — 120–180 минут.

3. Сору қуаты

Робот шаңсорғыштың сору қуаты Па (паскаль) арқылы өлшенеді.

  • Аздаған шаң мен шашқа 1500–2000 Па жеткілікті.
  • Еденінің көп бөлігіне кілем төселген, үй жануарын ұстайтын немесе кішкентай балалары бар үйлерге 2000–4000 Па+ қуатты модель қажет.

4. Тазалау түрі

  • Тек құрғақ тазалау (шаң, қоқыс) — қарапайым нұсқа.
  • Ылғалды тазалау функциясы бар модельдер жақсырақ, бірақ су контейнерінің көлеміне назар аударыңыз.

Қос функция: құрғақ + ылғалды (суланған шүберекпен сүрту).

5. Навигация түрі (бөлме ішінде бағдарлау)

  • Қарапайым модельдер картасыз, алдын-ала сызбасыз, кез келген бағытта жүреді.
  • Камералы жүйе (VSLAM): визуалды бағдарлау арқылы карта құрады (аз жарықта нашар жұмыс істеуі мүмкін).

Лазерлік навигация (LiDAR): бөлмені картаға түсіріп, кедергілерді айналып өтеді, тиімді жұмыс істейді.

6. Кедергіден өту қабілеті

  • Кілем немесе табалдырық көп болса, 2 см-ге дейін кедергіден өте алатын модель таңдаңыз.
  • 50–70 дБ аралығында — қалыпты шу.
  • Қатты жұмыс істейтін қуатты шаңсорғыштар — 70 дБ+.

7. Шуды аз шығару

8. Басқару түрі

  • Қашықтан басқару пульті немесе телефондағы қосымша (Wi-Fi) арқылы.
  • Кейбір модельдерде дауыспен басқару (Google Assistant, Alexa) функциясы бар.

9. Контейнер көлемі

  • Шаң жинайтын контейнер: 400–600 мл аралығында болғаны жөн.
  • Су багы (ылғалды тазалауға): 200–300 мл жеткілікті.

10. Фильтр жүйесі (мысалы, HEPA фильтр)

  • Аллергиясы бар адамдар үшін — шаңды жақсы ұстайтын HEPA фильтр қажет.

Робот шаңсорғышты таңдау кезінде өзіңізге мына сұрақтарды қойыңыз:

  • Үйім қаншалықты үлкен және еден жабындысы қандай?
  • Қанша ақша жұмсауға дайынмын?
  • Қаншалықты қуатты әрі «ақылды» техника керек?

Робот шаңсорғыш – күнделікті жеңіл тазалау үшін тамаша көмекші. Үлкен көлемде немесе терең тазалау қажет кезде оны қолмен тазалау құралымен толықтыруға тура келеді. Егер сіз үйде жиі болмасаңыз, үй жануарыңыз бар немесе тазалықты тұрақты ұстағыңыз келсе — робот шаңсорғыш сіз үшін жақсы инвестиция.

Дайындаған: Б. Мейірханұлы,

ERNUR.KZ